د ا.ا.ا نظام په ملاتړ د ښځو ناسته

sreu_admin
Wed, Sep 22 2021 1:17 PM
888

د ۱۴۰۰ کال د وږي میاشتې په ۲۰مه نېټه د شنبې په ورځ د مدارسو او ښوونځیو د زده‌کوونکو، محصلانو او د ټولنې د نورو پاړکو اړوندو ښځو او نجونو د کابل د ښوونې او روزنې په پوهنتون کې په یوه ناسته کې د غیر مختلط تحصیل او اسلامي حجاب د رعایت په اړه خپل ملاتړ اعلان کړ. همدا راز دوی له هغو ښځو څخه بې‌زارې څرګنده کړه چې په مغرضانه ډول د ښځو د حقونو او آزادۍ شعارونه ورکوي، دوی وویل چې هغوی د افغانو ښځو استازې نه دي. په دې ناسته کې د پوهنتون لپاره د لوړو زده‌کړو وزارت فوق‌العاده استازي ښاغلي استاد حامد یعقوبي، استادانو، د مدارسو زده‌کوونکو او معترضو محصلانو، د مدني ټولنې غړو، داخلي او بهرنیو رسنیو او ځینو اداري کارکوونکو ګډون کړی و.

ناسته د قرآن‌کریم د څو مبارکو آیتونو په تلاوت سره پیل شوه. ورپسې ښاغلي استاد حامد یعقوبي د کابل د ښوونې او روزنې پوهنتون په استازیتوب مېلمنو ته ښه راغلاست ووایه او له ملاتړو خویندو یې وغوښتل چې خپل اعتراضات په سوله‌ييز ډول له شرعي دلایلو سره یوځای بیان کړي. د ناستې په دوام ګڼو معترضو خویندو پر موضوع خبرې وکړې. دوی د ا.ا.ا ملاتړ څرګند کړ او د بې‌حجابۍ او په پوهنتونونو او تحصیلي مؤسسو کې د مختلطو درسونو د زیان په اړه یې خبرې وکړې. دوی د لوړو زده‌کړو وزارت له مسؤولینو وغوښتل چې د نجونو او هلکانو د ټولګیو جلا کولو بهیر جدي وګڼي تر څو اسلامي اصول مراعات شي او هغه خویندې هم ګټمنې شي چې د دغو دلایلو په سبب له لوړو زده‌کړو بې‌برخې دي.

په پای کې ښځو سوله‌ييز لاریونونه وکړل او له ا.ا.ا څخه یې غوښتنه دا وه چې «موږ په پوهنتونونو او د لوړو زده‌کړو په مؤسسو کې مختلط نظام نه غواړو او د اسلامي شریعت ملاتړ کوو». لاریون د اسلامي ارزښتونو او مسلمانو نجونو ته د دغو ارزښتونو د مراعاتېدو د ګټو په شعارونو پای ته ورسېد.

Latest news

Tue, Jul 14 2020 2:59 PM
Background image

Graduates Monograph Defense Ceremony of English Department

On Wednesday December 28, 2016 the graduated students monograph defense took place at TESOL Library, Kabul Education University.

Tue, Jul 14 2020 2:55 PM
Background image

Higher Education Management Information System (HEMIS) students from the Creative Center for Information Technology (IT Competence Center) is made, in..

Higher Education Management Information System (HEMIS) students from the Creative Center for Information Technology (IT Competence Center) is made, in a ceremony presented and discussed. . .

Tue, Jul 14 2020 10:40 AM
Background image

Protocol between Shaheed prof. Rabani Education University and USWDP

The protocol  was singed between Shaheed prof. Rabani Education University and USWDP about establishing master’s program in field of education in academic deputy office at university.

BACK TO NEWS