د پوهنتون د اداري شورا ناسته

sreu_admin
چهارشنبه ۱۴۰۰/۵/۲۰ - ۱۰:۱۲
ghgh

د شهید استاد رباني د ښوونې او روزنې پوهنتون اداري ناسته په عادي روال د ۱۴۰۰ کال د زمري میاشتې په ۱۸مه نېټه تر غرمې وړاندې په ۹:۰۰ بجو د پوهنتون د رئیسې آغلې پوهنوال لیلما شریفي یما په مشرۍ روغتیایي تدابیرو ته په پام سره وشوه او د لاندې اجنډا په اړه لازمې پرېکړې وشوې.

۱- د پوهنتون رئیسې د پوهنتون د مشرتابه پلاوي غړو ته د ښه راغلاست تر څنګ د خپلو خبرو په پیل کې د لوړو زده‌‌کړو وزارت د رهبرۍ شورا د ۱۶/۵/۱۴۰۰ نېټې غونډه یاده کړه او ویې ویل چې د لوړو زده‌کړو وزارت د رهبرۍ شورا د پرېکړې له مخې په هغو ولایتونو کې چې د حضوري درسونو د پیل زمینه برابره ده، پوهنتونونه باید په دې برخه کې عملي اقدام وکړي او حضوري درسونه پیل کړي او که ممکنه وي نو پوهنتونونه باید د HELMS بدیل سیستم په اړه پرېکړه وکړي چې په افلاین ډول کار وکړي.

۲- په ناسته کې د پوهنتون د حضوري درسونو پر موضوع بحث وشو او د پوهنځیو رئیسانو ته لارښوونه وشوه چې خپل درسونه په ورځني ډول کنترول کړي. همدا راز په ناسته کې د محصلانو د چارو مرستیالې د شپې برخې د زده‌کړو په اړه معلومات وړاندې کړل او د پوهنځیو له رئیسانو وغوښتل شول چې د شپې برخې درسونو ته هم پام وکړي. د ناستې په پای کې د پوهنتون مشرتابه پلاوي د ژبو او ادبیاتو د پوهنځي هغو محصلانو ته ستاینلیکونه ورکړل چې د پوهنتون په دفترونو کې یې په رضاکار ډول خدمت کړی و.

تازه خبرونه

دوشنبه ۱۴۰۰/۷/۵ - ۹:۳۲
Background image

د پوهنتون د مشرتابه پلاوي او د ا.ا.ا د لوړو زده‌کړو وزارت د محترم پلاوي ګډه ناسته

د ۱۴۰۰ کال د تلې میاشتې په ۴مه نېټه د یکشنبې په ورځ د کابل د ښوونې او روزنې پوهنتون د پلاوي او د ا.ا.ا د لوړو زده‌کړو وزارت د محترم پلاوي تر منځ د اسلامي امارت د موخو او پروګرامونو په. . .

چهارشنبه ۱۴۰۰/۶/۳۱ - ۱۳:۱۷
Background image

د ا.ا.ا نظام په ملاتړ د ښځو ناسته

د ۱۴۰۰ کال د وږي میاشتې په ۲۰مه نېټه د شنبې په ورځ د مدارسو او ښوونځیو د زده‌کوونکو، محصلانو او د ټولنې د نورو پاړکو اړوندو ښځو او نجونو د کابل د ښوونې او روزنې په پوهنتون کې په یوه. . .

چهارشنبه ۱۴۰۰/۶/۳۱ - ۱۰:۵۵
Background image

د پوهنتون د علمي شورا ناسته

د کابل د ښوونې او روزنې پوهنتون د علمي شورا ناسته په عادي روال د ۱۴۰۰ کال د وږي میاشتې په ۱۴مه نېټه تر غرمې وړاندې په ۱۰:۰۰ بجو د ښاغلي پوهاند جمشېدخان رشیدي په مشرۍ وشوه. دغه ناسته د. . .

BACK TO NEWS