د پوهنتون د علمي شورا ناسته

sreu_admin
چهارشنبه ۱۴۰۰/۶/۳۱ - ۱۰:۵۵
ggfg

د کابل د ښوونې او روزنې پوهنتون د علمي شورا ناسته په عادي روال د ۱۴۰۰ کال د وږي میاشتې په ۱۴مه نېټه تر غرمې وړاندې په ۱۰:۰۰ بجو د ښاغلي پوهاند جمشېدخان رشیدي په مشرۍ وشوه. دغه ناسته د قرآن‌کریم د څو مبارکو آیتونو په تلاوت سره پیل شوه او د اجنډا په اړه اړینې پرېکړې وشوې.

۱. د پوهنتون د علمي چارو مرستیال د لوړو زده‌کړو وزارت فوق‌العاده استازي او د پوهنتون د علمي شورا ټولو غړو ته د ښه راغلاست تر څنګ د خپلو خبرو په پیل کې د لوړو زده‌کړو وزارت د ۱۳/۶/۱۴۰۰ نېټې ناستې په اړه مفصلې خبرې وکړې او ویې ویل، د افغانستان له ټولو دولتي پوهنتونونو څخه د لوړو زده‌کړو وزارت د مشرتابه غوښتنه دا ده چې د غیر مختلط سیستم له مخې د حضوري درسونو د بیاپیل د څرنګوالي په اړه خپلې مشخصې طرحې دغه وزارت ته وسپاري تر څو د طرحو په رڼا کې د پوهنتونونو حضوري درسونه په رسمي ډول پیل شي. ورپسې د لوړو زده‌کړو وزارت فوق‌العاده استازي ښاغلي استاد محمد حامد یعقوبي د پوهنتون د رهبرۍ او علمي شوراګانو مننه وکړه او د لوړو زده‌کړو وزارت د رهبرۍ شورا له پرېکړې سره سم یې د پوهنتون د حضوري درسونو د بیا پیل په موخه د مشخصو طرحو د جوړولو په اړه معلومات وړاندې کړل. ده زیاته کړه چې غیر مختلط سیستم د ا.ا.ا د لوړو زده کړو وزارت د رهبرۍ وروستۍ پرېکړه ده او د دغه وزارت ټینګار د افغانستان د لوړو زده‌کړو د نظام پر وخت او ځای بدلولو دی.

۲. په ناسته کې د پوهنتون د حضوري درسونو د بیا پیل د څرنګوالي په اړه د پوهنتون د هغې طرحې په اړه بحث وشو چې مخکې له مخکې د لوړو زده‌کړو وزارت ته لېږل شوې وه او پرېکړه وشوه چې دغه طرحه لږ څه ناڅه اصلاحاتو او د پوهنتون د علمي شورا د غړو د نظرونو تر زیاتولو وروسته د لوړو زده‌کړو محترم وزارت ته ولېږل شي. همدا راز په ناسته کې د ۱۴۰۰ کال د پسرلني

تازه خبرونه

دوشنبه ۱۴۰۰/۷/۵ - ۹:۳۲
Background image

د پوهنتون د مشرتابه پلاوي او د ا.ا.ا د لوړو زده‌کړو وزارت د محترم پلاوي ګډه ناسته

د ۱۴۰۰ کال د تلې میاشتې په ۴مه نېټه د یکشنبې په ورځ د کابل د ښوونې او روزنې پوهنتون د پلاوي او د ا.ا.ا د لوړو زده‌کړو وزارت د محترم پلاوي تر منځ د اسلامي امارت د موخو او پروګرامونو په. . .

چهارشنبه ۱۴۰۰/۶/۳۱ - ۱۳:۱۷
Background image

د ا.ا.ا نظام په ملاتړ د ښځو ناسته

د ۱۴۰۰ کال د وږي میاشتې په ۲۰مه نېټه د شنبې په ورځ د مدارسو او ښوونځیو د زده‌کوونکو، محصلانو او د ټولنې د نورو پاړکو اړوندو ښځو او نجونو د کابل د ښوونې او روزنې په پوهنتون کې په یوه. . .

چهارشنبه ۱۴۰۰/۶/۳۱ - ۱۰:۵۵
Background image

د پوهنتون د علمي شورا ناسته

د کابل د ښوونې او روزنې پوهنتون د علمي شورا ناسته په عادي روال د ۱۴۰۰ کال د وږي میاشتې په ۱۴مه نېټه تر غرمې وړاندې په ۱۰:۰۰ بجو د ښاغلي پوهاند جمشېدخان رشیدي په مشرۍ وشوه. دغه ناسته د. . .

BACK TO NEWS